Les mots surlignés font l'objet d'une note
1Monseigneur, je vous fis entendre dernierement comment nous
2nous estions acheminer ung commis du tresorier de lextraordinaire
3et moy pour faire la monstre de la compagnie du sieur Julles
4Centurion, où monsieur de Montleuc est despuys arrivé,
5et toutesfoys en vaing, d’aultant que le mareschal
6des logis dicelle n’a voullu aulcunement faire monstre
7quelque sommation et protestation que nous lui ayons sceu
8faire, m’asseurant que cest plustost pour le peu d’argent
9qui luy est deubz de reste desdits quatre moys, tant
10en unze cens livres que ce pays luy a presté que en
11IIm VIc livres que monsieur Le Febvre a advancé audit sieur
12Julles, que non pour labsence du lieutenant et quelque nombre
13d’hommes dicelle, attandu que avant la closture des
14roolles dicelle monstre, nous luy donnions terme d’ung
15moys pour advertir ledit sieur Julles, qui est en cours affin
16qu’il heust moyen de faire relever les absens ; nous
17avons arresté lesditz deniers du pays entre les meins
18dudit commis pour ne s’en estre vollu dessaisir jusques à
19la monstre, attandant laquelle vous adviserés ce quil
20vous plairra de me commander, je vous envoye une
21[v°] liste des colonelz reystres et cappitaines de gens à pied
22estant au service de monsieur le prince d’Orenges, ensemble
23des villes qu’il tient. Surce, je prie Dieu
24Monseigneur qu’il vous doinct en parfaicte sancté, très longue
25et très heureuse vie. De Vallance, ce IIIe daoust 1572
26Vostre bien humble et obeyssant serviteur
27Gibert
28